Ўзбекистон U-23 терма жамоаси Бирлашган Араб Амирликларининг Дубай шаҳрида бўлиб ўтаётган Dubai Cup—U23 халқаро мусобақадаги иштирокини бошлади.
Тимур Кападзе бошчилигидаги жамоа илк турда Саудия Арабистонига қарши майдонга тушди. Учрашув 2:0 ҳисобида саудияликларнинг фойдасига ҳал бўлди, ҳар иккала гол ҳам бир футболчи томонидан дастлабки 45 дақиқаликда киритилди.
Терма жамоа 25 март куни мезбон БАА билан куч синашади. 3-рақиб мусобақа жадвалидан келиб чиқиб белгиланади. Мусобақада Ўзбекистон, Саудия Арабистони ва БААдан ташқари, Хорватия, Япония, Хитой, Таиланд, Қатар, Вьетнам, Ироқ каби жамоалар қатнашмоқда.
Dubai Cup—2022
1-тур баҳси
23 март, чоршанба
Саудия Арабистони U-23 — Ўзбекистон U-23 2:0
Голлар: 1:0 — 25 Абдуллаҳ Ҳамдан, 2:0 — 39 Абдуллаҳ Ҳамдан.Ўзбекистон: Владимир Назаров, Муҳаммадқодир Ҳамралиев, Шаҳзод Тоиров, Саидазамат Мирсаидов, Достон Турсунов, Абубакр Ризо Турдиалиев, Муҳаммадазиз Иброҳимов, Жасурбек Жалолиддинов, Отабек Жўрақўзиев, Улуғбек Ҳошимов, Ҳусайн Норчаев.
Захира: Шукрон Йўлдошев, Абдувоҳид Неъматов, Элдорбек Бегимов, Алибек Давронов, Иброҳимхалил Йўлдошев, Бекзод Шамсиев, Суннатиллоҳ Ҳамиджонов,Диёр Холматов, Иброҳим Иброҳимов, Аббосбек Файзуллаев, Даврон Анваров, Тимур Мамасиддиқов, Русланбек Жиянов.
Изоҳ (0)