Yarim himoyachi Pol Pogba va hujumchi Antoni Marsyal faoliyatini “Yuventus”da davom ettirishi mumkin.
Xabarga ko‘ra, Turin klubi “Manchester Yunayted”ning ikki futbolchisini o‘z safiga qo‘shib olishni istamoqda.
Pogba 2012-yildan 2016-yilga qadar “Yuventus” safida to‘p surgan. Joriy mavsumda yarim himoyachi mankunianliklar safida APL doirasida 15 ta o‘yinda maydonga tushib, bitta gol va 9 ta golli uzatmani o‘z nomiga yozdirib qo‘ydi. Fransuzning “qizil iblislar” bilan amaldagi shartnomasi 2022-yil iyun oyida nihoyasiga yetadi.
Marsyal esa yanvar oyidan buyon “Sevilya” safida ijara asosida o‘ynamoqda. Hujumchi ispan jamoasida 8 o‘yinda bitta gol va bitta golli uzatmani amalga oshirgan. Antonining “Manchester Yunayted” bilan shartnomasi 2024-yilda o‘z nihoyasiga yetadi.
Avvalroq, mankunianliklar “Roma” hujumchisi Temmi Abrahamga qiziqish bildirayotgani xabar qilingandi. “Yuventus” esa “Liverpul” vingeri Muhammad Salohni o‘z safiga qo‘shib olishga urinishi mumkinligi aytilgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)