«ПСЖ» Эрлинг Ҳоландга Килиан Мбаппенинг маошини таклиф қилмоқчи

«ПСЖ» «Боруссия Д» ҳужумчиси Эрлинг Ҳоландни сотиб олмоқчи.

Француз клуби 21 ёшли ҳужумчини фаолиятини «Реал»да давом эттириши мумкин бўлган Килиан Мбаппега ўринбосар сифатида кўрмоқда.

Cadena SER нашрининг Ҳоланднинг атрофидагиларга таяниб хабар беришича, «ПСЖ» норвегиялик футболчига Мбаппе олган маошни таклиф қилади. Парижликлар Ҳоландни янги лойиҳанинг асосий юлдузи сифатида кўрмоқда. Сўнгги маълумотларга кўра, Мбаппе «ПСЖ»да ойига 2,22 млн евро олади.

Шу тариқа «ПСЖ» Эрлинг учун «Реал», «Манчестер Сити» ва «Барселона» билан рақобатлашади.

21 ёшли ҳужумчи жорий мавсумда Дортмундликлар сафида (барча мусобақаларда) 23 та ўйинда майдонга тушиб, 23 та гол урди ва 5 та голли узатмани амалга оширди.