Рассом Энди Уорхол томонидан чизилган Мэрилин Монро портрети 2022 йил май ойида Christie’s аукционида сотилади. Бошланғич нархи 200 миллион доллар. Бу аукционга қўйилган ХХ аср санъат асарлари учун рекорд нарх ҳисобланади.
Аукцион матбуот хизматининг айтишича, гап Shot Sage Blue Мэрилин номли актрисанинг портрети ҳақида кетмоқда. Расмда Мэрилин Монро очиқ фируза ранг фонда тасвирланган.
Расм Уорхол томонидан 1964 йилда, яъни актрисанинг ўлимидан икки йил ўтгач чизилган. У 1953 йилда суратга олинган «Ниагарал» фильмидаги кадрга асосланган эди.
«Асар Америка санъатининг дурдоналаридан бири ҳисобланади ва машҳур рассом ижодида асосий ўрин тутади», — деб таъкидлайди Christie’s’нинг Америка бўлими раҳбари Марк Портер.
Болаларга ёрдам берувчи Томас ва Доррис Амман хайрия фонди портретни аукционга қўйишга қарор қилди. Лотни сотишдан тушган барча маблағлар фонд лойиҳаларини молиялаштиришга йўналтирилади.
Изоҳ (0)