Машҳур эркакларнинг ота бўлганини кузатиш жуда қизиқ. Баъзиларига шунчаки қараб тутолмайсиз — улар жуда ажойиб, кулгили ва ўзларини бутунлай фарзандига бағишлайди. Қуйида энг болажон оталар ҳақида маълумот берамиз.
Райан Рейнолдс
Эрталаб соат 6 да қизи билан сайрга чиқиши мумкин
Ҳеч шубҳасиз Райанга «Йил отаси» унвонини бериш мумкин. Блейк Лайвли билан биргаликда улар уч қиз — Жеймс, Айнез ва Беттини тарбиялайди. Рейнолдс ўзини ҳеч қачон ота сифатида тасаввур қилолмаганини тан олади, лекин қизлари туғилгач, унинг дунёси ўзгариб кетди. «Мен 100 фоиз қизларимнинг отасиман ва мен улар билан бирга бўлишни яхши кўраман», — дейди у.
Райан қизалоқларини бегона кўзлардан асрайди ва камдан кам ҳолларда уларнинг фотосуратларни ижтимоий тармоқларга жойлаштиради. Актёр қизларига ҳамма нарсанинг энг яхшисини беришга ҳаракат қилади, илтимосларини эътиборга олиб, уларга кўпроқ вақт ажратади. Эрталаб соат 6 да сайр қилиш дейсизми? Албатта, муаммо эмас!
Шаҳзода Гарри
Ҳис-туйғуларингиз ҳақида гапириш жуда муҳим
Шаҳзода Гарри ва Меган Маркл икки боланинг ота-онаси. Биринчи фарзанди — шаҳзода Арчи дунёга келганида Мег эри қанчалик ўзгарганини пайқади. Жасоратли ва кучли, эркак юмшоқ феъл, таъсирчан, ҳатто бироз заиф бўлишдан қўрқмади, бу нафақат бола билан муносабатларга ижобий таъсир қилади, балки гўдакка ҳис-туйғулар нормал эканлигини тушунишга ёрдам беради. Кичкина Лилибет эса отасининг қалбини бутунлай эритиб юборди.
Бредли Купер
Мультфильмлардаги барча қўшиқларни ёддан билади
2017 йилда Бредли Купер ва Ирина Шейк ота-она бўлди: чақалоқ Ли уларнинг ҳаётини бутунлай ўзгартирди. Папарацилар вақти-вақти билан ота ва қизни сайрда «тутиб олишар», бундай пайтда Бредли қизининг пушти сумкасини кўтариб юрган ёки кичкина маликасининг бошидаги диадемани тўғрилаётган бўларди.
Шуни алоҳида таъкидлаш керакки, Бредли қизининг севимли мультфильм қаҳрамонларини ва мультфильмнинг барча қўшиқларни ёддан билади.
Дэвид Бекҳэм
Дадам ҳамма нарсани қила олади
Дэвидни оталарнинг отаси дейиш мумкин. У болаларини севади, эркалайди ва кўп вақтини улар билан ўтказади. Футболчи омма олдида ўғилларига бўлган ҳис-туйғуларини кўрсатишдан тортинмайди. Қизига эса ҳамма нарса мумкин. Болаларни мактабга олиб бориш, уй вазифаларига ёрдам бериш, биргаликда ўйнаш, тирноқларни бўяш, ухлашдан олдин эртак ўқиб бериш — нима бўлишидан қатъи назар Дэвид буларнинг барчасига улгуради.
Мавзуга доир:
Изоҳ (0)