Британиялик собиқ спортчи Дэвид Бекҳэм Instagram’даги аккаунтини Харьковдаги туғуруқхона шифокорига берди, деб ёзади Harper’s Bazaar.
Собиқ спортчи Дэвид Бекҳэм ўзининг саҳифасини украиналик шифокорга фойдаланишга берди. Кун давомида Бекҳэмнинг саҳифасини болалар анестезиологи ва Харьковдаги минтақавий перинатал марказ раҳбари Ирина Кондратова бошқарди. У британиялик футболчининг 71 миллион кузатувчисига ушбу қийин даврда тиббий марказ қандай ишлаётганини кўрсатди. Ирина туғуруқхонанинг ҳозирги иши, ҳомиладор ва фарзандли бўлган аёллар ертўлада қандай яширинганлиги ҳақида бир нечта stories’лар жойлаштирди. Шу тариқа Бекҳэм жаҳон ҳамжамиятининг эътиборини содир бўлаётган воқеаларга қаратмоқчи бўлди ва БМТ Болалар жамғармасига хайрия қилишга чақирди.
Бекҳэм ушбу қарорини 2022 йил 20 март куни ўзининг сўнгги постида эълон қилди. «Ирина ва унга ўхшаган бошқа шифокорлар Украинада инсонлар ҳаётини сақлаб қолиш учун қилаётган ажойиб ишлари ҳақида кўпроқ билиш учун менинг stories’ларимни кўринг. Илтимос, UNICEF’га ёрдам кўрсатинг», — дея футболчи обуначиларга мурожаат қилди.
Изоҳ (0)