Bugun,

  • USD 11095.31
  • RUB 173.84
  • EUR 10772.44

Shunday ota-onalar borki, ular farzandiga sog‘lom tarbiya bera olgani uchun mukofot bilan taqdirlanishi kerak. Albatta, hamma ham farzandi uchun eng yaxshisini xohlaydi. Lekin amalda doim ham bunday bo‘lavermaydi. Shuningdek, mashhur insonlar orasida nima bo‘lmasin, tarbiya borasida o‘z tamoyilidan chetga chiqmaganlari ham mavjud.

Sting

Foto: Grazia

Foto: Grazia

70 yashar qo‘shiqchi Stingning olti nafar farzandi bor: uch o‘g‘il va uch qiz. Rok musiqa olamidagi eng muvaffaqiyatli ijrochilardan biri o‘z boyligini farzandlariga qoldirmoqchi emas. Xonanda farzandlari ham bu qarorni to‘liq qo‘llab-quvvatlashini ta’kidlab o‘tgan. Stingning fikricha, merosxo‘rlar ota-onalariga ishonib qolmasligi lozim, o‘zlarini ta’minlay olishi kerak.

Xonandaning to‘ng‘ich qizi 45, kenja o‘g‘li esa 26 yoshda. Ularning barchasi o‘zi ishlab, pul topadi. Musiqachining aytishicha, ular boy merosxo‘r emas, balki ma’lum bir kasb egasiga aylangan.

Bill Geyts

Foto: Grazia

Foto: Grazia

66 yoshli Bill Geyts ham hayotda Stingga o‘xshash nuqtayi nazarga ega. Microsoft asoschisi sobiq rafiqasi Melinda bilan uch nafar farzand ko‘rgan. 27 yildan beri birga bo‘lgan er-xotin 2021-yilning may oyida to‘satdan ajrashdi. Shu bilan birga, ular yaxshi munosabatlarni saqlab qoldi va hatto to‘ng‘ich qizi Jenniferning to‘yida birgalikda ko‘rinish berdi.

Bill butun boyligini xayriya ishlariga sarflashga qaror qildi. Ishbilarmonning ishonchi komilki, ko‘p pulga ega bo‘lish bolalarning taqdirini buzadi, ularni mustaqil ravishda biror narsaga erishish istagidan qaytaradi.

Silvestr Stallone

Foto: Grazia

Foto: Grazia

75 yoshli Silvestr Stallone ko‘p farzandli otalar safida. Birinchi turmushidan uning ikki o‘g‘li bor: ulardan biri vafot etgan, ikkinchisiga autizmning og‘ir shakli tashxisi qo‘yilgan. Aktyorning model Jennifer Flavin bilan turmushidan uch nafar qizi bor.  Mashhur ota ko‘pincha merosxo‘rlari bilan qizil yo‘lakda ko‘rinish beradi. Biroq Silvestr hali qizlarining kuyovlari bilan uchrashishga tayyor emas.

U qizlariga hatto 40 yoshga to‘lgunga qadar yigitlar bilan uchrashishni man qilganini hazil qildi. Ammo har bir hazil tagida oz bo‘lsa-da haqiqat bor. Bir kuni bokschi rolini ijro etgan aktyor Rokki Balboa uning qizlaridan biriga qo‘ng‘iroq qilganida go‘shakni u ko‘tardi. Aktyor yigitga muvaffaqiyatsiz suhbatdoshi bir umrga Misrga jo‘nab ketganini aytdi.

Madonna

Foto: Grazia

Foto: Grazia

63 yoshli Madonna ikki farzandni dunyoga keltirdi: amerikalik fitnes-murabbiy Karlos Leon biln ko‘rgan katta qizi Lurdes allaqachon 25, rejissor Gay Richidan ko‘rgan o‘g‘li Rokko 21 yoshda. Bundan tashqari, xonandaning to‘rt nafar asrab olingan farzandi bor: eng kattasi 16 yoshda, eng kenja egizaklari esa to‘qqiz yoshda.

Xonanda merosxo‘rlarga televizor ko‘rishni, shuningdek, gazeta va jurnallar o‘qishni taqiqlagan. Madonna ulardan olishi mumkin bo‘lgan ma’lumotlarni mutlaqo keraksiz deb hisoblaydi. Ko‘rinishidan, u gadjetlarga qarshi va bolalari hayoti ustidan to‘liq nazorat o‘rnatgan.

Izoh
Asosiy yangiliklar
Mahalliy
Huquq faoli Nukus voqealarida gumonlanayotganlar qiynoqqa solinmaganini aytmoqda
Dunyo
“Daryo” kundaligida 30-noyabrda sodir bo‘lgan eng muhim voqealar
Mahalliy
Kontrabanda sigaretalar ko‘proq qaysi viloyatlar chegaralaridan olib o‘tilmoqda? Bojxonachi javob berdi