«Нуронийларни ҳар томонлама қўллаб-қувватлаш, уларнинг турмуш даражасини оширишга доир қўшимча чора-тадбирлар тўғрисида» президент қарори қабул қилинди, деб хабар беради ЎзА.
Унга кўра, ходимнинг пенсия ёшига тўлгани муносабати билан у билан тузилган меҳнат шартномасини иш берувчининг ташаббуси билан бекор қилиш тартибини тақиқлаш тўғрисидаги таклифга розилик берилган.
Бандлик ва меҳнат муносабатлари вазирлиги ҳамда тегишли идораларга икки ой муддатда мазкур тақиқ бўйича қонун лойиҳасини ишлаб чиқиш топширилган.
Шунингдек, Маҳалла ва нуронийларни қўллаб-қувватлаш вазирлиги, Ахборот технологиялари ва коммуникацияларини ривожлантириш вазирлиги билан биргаликда 2023 йил 1 январга қадар «Нуроний» электрон платформасини бюджетдан ташқари Пенсия жамғармасининг пенсия ва нафақа олувчиларнинг электрон маълумотлар базаси, «Ижтимоий ҳимоя ягона реестри» ҳамда «Ижтимоий хизмат» электрон платформаси билан интеграция қилиш чораларини кўради.
Маълумот учун, 2022 йил 1 январь ҳолатига Ўзбекистонда пенсия ва нафақа олувчиларнинг умумий сони 4 миллион 39 минг 2 нафарга етган. Шундан 3 миллион 588 минг 4 нафари пенсия, 450,8 минг нафари нафақа олувчилар ҳисобланади.
Изоҳ (0)