«Боруссия Д» ҳужумчиси Эрлинг Ҳоланд «Манчестер Сити»га ўтса, АПЛдаги энг кўп маош оладиган футболчига айланади.
«Шаҳарликлар» 21 ёшли футболчи учун ҳафтасига 500 минг фунт маош ваъда қилмоқда, дея хабар беради Daily Mail. Бу Эрлингни АПЛнинг энг кўп маош олувчи футболчисига айлантиради.
Ҳозирги кунда Премьер Лигада Криштиану Роналду («Манчестер Юнайтед») ва Кевин де Брюйне («Манчестер Сити») энг кўп маош олувчи футболчилар ҳисобланади. Иккала ўйинчи ҳам ҳафтасига 385 минг фунт маош олади.
«Манчестер Сити» Ҳоланднинг март ойи охирига қадар келажаги борасида қарор қабул қилишига умид қилмоқда.
Аввалроқ Ҳужумчи фаолиятини Ла Лигада давом эттирмоқчилиги, шунинг учун «Реал» ёки «Барселона» вариантини кўриб чиқиши ҳақида хабар чиққанди. «Реал» Эрлинг Ҳоланд билан дастлабки келишувга эришгани, бу келишувдан кейин Ҳоланднинг вакиллари бошқа клублар билан музокара олиб боролмаслиги хабар қилинганди. «Барселона» эса ҳужумчини клубнинг энг кўп маош олувчи футболчисига айлантирмоқчи экани айтилганди. Каталонияликлар президенти Хоан Лапорта ва Мино Райола Эрлинг Ҳоланд трансферини муҳокама қилгани ҳам маълум бўлганди.
21 ёшли ҳужумчи жорий мавсум «Боруссия Д» сафида 20 та ўйин ўтказиб, 23 та голга муаллифлик қилди.
Изоҳ (0)