«Барселона» Spotify стриминг сервиси билан ҳамкорликни бошлади. Бу ҳақида клуб расмий сайтида маълум қилинди.
Швециянинг мусиқа ва стриминг хизмати 2022/23 йилги мавсумдан бошлаб клубнинг титул ҳомийсига айланади. Шартнома 4 йилга мўлжалланган.
Spotify логотипи «кўк-анорранглилар»нинг эркаклар ва аёллар жамоалари формаларида бўлади. Шунингдек, келишув доирасида «Барселона»нинг стадиони «Spotify Камп Ноу» номини олади.
Аввалроқ каталонияликлар Spotify билан келишув орқали тўрт йил ичида 300 миллион евро ишлаб олиши хабар қилинганди.
Маълумот учун, айни вақтда Япониянинг Ракутен компанияси «Барселона»нинг титул ҳомийси ҳисобланади. Жорий мавсум жамоанинг асосий ҳомийлари Rakuten ва Bekо билан шартномалар ўз ниҳоясига етади.
Хави шогирдлари 2021/22 йилги мавсум Ла Лигада 27 та ўйиндан кейин 51 очко билан 3-ўринда бормоқда.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)