Криштиану Роналду ва Лионель Месси Чемпионлар Лигасининг 1/8 финалидаёқ мусобақа билан хайрлашди.
Аргентиналик ҳужумчи тўп сурадиган «ПСЖ» мусобақанинг 1/8 финалида «Реал»га қарши ўйинлардан (1:0, 1:3) сўнг, «Манчестер Юнайтед» эса «Атлетико» билан баҳслардан (1:1, 0:1) кейин ўз юришини тўхтатди.
Месси ва Роналду кетма-кет икки мавсумдан буён Чемпионлар Лигаси чорак финалига чиқа олмаяпти. 2020/21 йилги мавсумда Лео «Барселона» сафида «ПСЖ»га мағлуб бўлганди, Криштиану эса «Ювентус» билан бирга «Порту»га имкониятни бой берганди.
Ўтган мавсумга қадар сўнгги бор Месси ва Роналду 2004/05 йилги мавсумда чорак финал йўлланмасини қўлга кирита олмаганди. Орадаги мавсумларда улардан ҳеч бўлмаганда бири мусобақа чорак филаида иштирок этган.
Аввалроқ Лионель Мессининг отаси «Барселона» раҳбарияти билан алоқага чиққани, ўғлининг ортга қайтиш эҳтимолини муҳокама қилгани ҳақида хабар берилганди. Криштиану Роналду эса ЕЧЛда кўп дақиқа ўтказиш бўйича Икер Касильяснинг рекордини янгилаган эди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)