«Манчестер Юнайтед» Европа Чемпионлар Лигаси нимчорак финали жавоб учрашувида «Атлетико»га қарши баҳс олиб борди ва икки ўйин натижасига кўра (1:1, 0:1) мусобақа билан хайрлашди.
«Олд Траффорд»даги ўйинда тўлиқ ҳаракат қилган мезбонлар ҳужумчиси Криштиану Роналду «Реал»нинг собиқ дарвозабони Икер Касильяснинг рекордини янгилади. Бу учрашувнинг 47-дақиқаси 37 ёшли Роналду учун ЕЧЛдаги 15909-дақиқа бўлди. Криштиану бу орқали мусобақада энг кўп дақиқа ўтказган (15908) Касильяснинг натижасини ортда қолдирди.
Шу билан бирга Касильяс Чемпионлар Лигасида 177 та ўйин ўтказган. Роналду учун бу 183-баҳс эди.
Роналду бу ўйинда рақиб дарвозаси томон бирорта аниқ зарба йўллай олмади. Бунақаси португалиялик 90 дақиқа ҳаракат қилган ЕЧЛ ўйинида учинчи бор кузатилиши. Аввалроқ у 2003 йил «Юнайтед» сафида «Панатинаикос»га қарши баҳсда ва 2011 йил «Реал» жамоасида «Барселона»га қарши ўйинда дарвоза томон аниқ зарба бера олмаганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)