Самарқанд вилояти Пахтачи туманида ҳайдовчилардан тамагирлик йўли билан «ўлпон» талаб қилганлар қўлга олинди, деб хабар бермоқда вилоят Ички ишлар бошқармаси.
Қайд этилишича, Самарқанд вилояти ИИБ ЖҚБ Уюшган жиноятчиликка қарши кураш бўлими ҳамда ДХХ вилоят бошқармаси ходимлари ҳамкорлигида Пахтачи туманида тезкор тадбир ўтказилган. Тадбир давомида Зиёвуддин шаҳарчаси Истиқлол кўчасида жойлашган деҳқон бозори ёнида ноқонуний ташкил этилган автотураргоҳ борлиги аниқланган.
Унда киракашлик билан шуғулланувчи ҳайдовчилардан зўрлик ишлатиб, тамагирлик йўли билан кунлик 30 минг сўмдан «улуш» олиб келаётган туманнинг М.Улуғбек кўчасида яшовчи Х.И. (1995 йилда туғилган) ҳамда «Боғонали» маҳалласида яшовчи Р.Б. (1977 йилда туғилган) қўлга олинган.
Ушбу шахслар ҳайдовчиларни талаб қилинган пулларни бермаган тақдирида уларни автотураргоҳга киритмаслик ҳамда ҳаёти ва соғлиғига таҳдид қилиш билан қўрқитиб келган.
Изоҳ (0)