Samarqand viloyati Paxtachi tumanida haydovchilardan tamagirlik yo‘li bilan “o‘lpon” talab qilganlar qo‘lga olindi, deb xabar bermoqda viloyat Ichki ishlar boshqarmasi.
Qayd etilishicha, Samarqand viloyati IIB JQB Uyushgan jinoyatchilikka qarshi kurash bo‘limi hamda DXX viloyat boshqarmasi xodimlari hamkorligida Paxtachi tumanida tezkor tadbir o‘tkazilgan. Tadbir davomida Ziyovuddin shaharchasi Istiqlol ko‘chasida joylashgan dehqon bozori yonida noqonuniy tashkil etilgan avtoturargoh borligi aniqlangan.
Unda kirakashlik bilan shug‘ullanuvchi haydovchilardan zo‘rlik ishlatib, tamagirlik yo‘li bilan kunlik 30 ming so‘mdan “ulush” olib kelayotgan tumanning M.Ulug‘bek ko‘chasida yashovchi X.I. (1995-yilda tug‘ilgan) hamda “Bog‘onali” mahallasida yashovchi R.B. (1977-yilda tug‘ilgan) qo‘lga olingan.
Ushbu shaxslar haydovchilarni talab qilingan pullarni bermagan taqdirida ularni avtoturargohga kiritmaslik hamda hayoti va sog‘lig‘iga tahdid qilish bilan qo‘rqitib kelgan.
Izoh (0)