Футбол бўйича Осиё Чемпионлар Лигаси гуруҳ босқичига ўтиш учун плей-офф баҳсида «Насаф» 15 март, сешанба куни «Банияс»га қарши майдонга тушди.
Абу-Дабида ўтган баҳс Қарши клубининг 2:0 ҳисобдаги ғалабаси билан якунланди. Учрашувнинг 27-дақиқасида Шерзод Насруллаев ҳисобни очди. 75-дақиқада эса Ҳусайн Норчаев қаршиликларнинг иккинчи голига муаллифлик қилган ҳолда жамоасига ишончли ғалабани тақдим этди.
Шу тариқа «аждарлар» Осиё Чемпионлар Лигаси гуруҳ босқичига йўл олди. Жамоа «Ас-Садд» (Қатар), «Ал-Файсали» (Саудия Арабистони) ва «Ал-Виҳдат» (Иордания) жамоалари билан бирга E гуруҳидан жой олади. 2022 йилги Чемпионлар Лигасининг ғарбий минтақаси гуруҳ босқичи ўйинлари 7—27 апрель кунлари бўлиб ўтади.
Қаршиликларнинг ОЧЛга йўл олиши, Суперлигада 2-ўринни эгаллаган «Сўғдиёна»га ОФК Кубоги гуруҳ босқичида ўйнаш имконини тақдим этди. Жиззахликлар E гуруҳида «Олтин Аср» (Туркманистон), «ЦСКА» (Тожикистон) ва «Нефтчи» (Қирғизистон) клублари билан баҳс олиб боради. «Сўғдиёна»нинг 2022 йилги ОФК Кубоги гуруҳ босқичи ўйинлари 24—30 июнгача бўлган муддатда Тожикистонда бўлиб ўтади. 9—10 августда минтақалар бўйича ярим финал ва финал баҳслари ўтказилади. Мусобақанинг ҳал қилувчи ўйинини эса 2022 йилнинг 22 октябрида ўтказиш режалаштирилган.
ОЧЛ гуруҳ босқичига ўтиш ўйини
15 март, сешанба
«Банияс» – «Насаф» 0:2
Голлар: 0:1 — 27 Шерзод Насруллаев, 0:2 — 75 Ҳусайн Норчаев.«Банияс»: 55. Фаҳад Алдҳанҳани, 17. Али Исса ( 45. Аҳмад Робия, 66), 4. Ҳолид ал-ҳошими, 31. Саша Ивкович, 52. Ҳусайн Аббос, 23. Ҳамис Солиҳ, 7. Фаваз Авана, 10. Николас Хименес, 11. Гастон Суарес, 18. Суҳайл Аҳмад, 70. Муҳаммад Рашид (42. Аҳмад Абунамус, 75)
«Насаф»: 1. Умиджон Эргашев, 8. Дилшод Саидов, 4. Ҳусниддин Алиқулов, 92. Умар Эшмуродов, 34. Шерзод Насруллаев, 7. Шароф Муҳиддинов (18. Баҳром Абдураҳимов, 68), 22. Акмал Мозговой, 88. Марко Станоевич, 77. Ойбек Бозоров (2. Алибек Давронов, 90), 9. Иван Соловёв (17. Суҳроб Нуруллоев, 60), 10. Ҳусайн Норчаев (99.Семир Смайлагич, 90).
Огоҳлантириш: Акмал Мозговой (34), Фаваз Авана (70), Ҳолид Алҳошими (86).
Изоҳ (0)