«Реал» ҳужумчиси Карим Бензема «Мальорка»га қарши баҳсда (3:0) дубль қайд этди.
Карим фаолиятидаги голлари сонини 413 тага етказди ва футбол тарихидаги энг яхши франциялик тўпурарга айланди. Бензема бу борада Тьерри Анрини (411 та гол) ортда қолдирди.
Бензема мадридликлар сафида кетма-кет 5 ўйиндан буён гол уриб келмоқда. Француз сўнгги бор 15 февраль куни Чемпионлар Лигаси 1/8 финали «ПСЖ»га қарши ўйинда (0:1) майдонни голсиз тарк этган эди. Шундан буён 34 ёшли Карим 5 та ўйинда 8 та гол ва 4 та голли узатмани ўз ҳисобига ёздириб қўйди.
Ҳужумчи «Реал» сафида 2021/22 йилги мавсум барча мусобақаларда 32 та гол урди. Шу тариқа франциялик футболчи бир мавсумда урилган голлар бўйича Мадрид клубидаги энг яхши натижасини такрорлади. 2011/12 йилги мавсумда Бензема 32 та гол урганди.
Карим Бензема 2009 йилда «Лион»дан «Реал Мадрид» сафига ўтган эди. Мадридликлар футболчи учун 35 миллион евро тўлаган. 34 ёшли футболчи 2021/22 йилги мавсум Ла Лигада 24 та ўйинда 20 та гол уришга муваффақ бўлди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)