Тошкент вилоятининг айрим ҳудудларида 13 март куни соат 9—10 лар атрофида қуюқ булут тушиб, кучли дўл ёғди. Ижтимоий тармоқларда ушбу табиат ҳодисаси акс этган фото ва видеолар тарқалди.
Канал фойдаланувчиларининг айтишича, шу вақтда осмон бир зум қоронғулашган. «Ўзгидромет» етакчи мутахассиси Эркин Абдулаҳатовнинг сўзларига кўра, бу ўта нам ҳаво оқимлари сабабли юз берган. Атмосферада булутлар қатламида ўта тўйинган сув буғлари ва муз заррачалари қуёш нурлари ва ёруғлигини бир муддат чеклаб қўйган.
Шундан сўнг кучли дўл ёға бошлаган. Тошкент вилоятидан ташқари, Жиззах, Сирдарёда ҳам дўл ёғгани айтилмоқда.
Эслатиб ўтамиз, 9 март куни Қашқадарё вилоятида ноодатий тропик мамлакатларда учрайдиган булут ҳодисаси кузатилганди.
«Ўзгидромет» маълумотига кўра, вақти-вақти билан ёмғир ёғиши билан кузатиладиган беқарор об-ҳаво кейинги ҳафтанинг биринчи ярмигача сақланиб туради. Айрим вилоятларда кучли шамол ва момоқалдироқ бўлиши мумкин.
Мавзуга доир: Видео: Наманганда дўл ёғишининг олди олинмоқда
Изоҳ (0)