«Дарё»га Самарқанддаги кўприк носозлиги сабаб Damas ҳайдовчиси каналга тушиб кетгани, бир ҳафта ўтса-да, ҳайдовчи топилмаётгани хабар берилди.
«Дарё» мухбири ҳолатга аниқлик киритиш мақсадида вилоят Фавқулодда вазиятлар бошқармаси ахборот хизмати билан боғланди.
Маълум бўлишича, 2022 йилнинг 7 март куни соат, тахминан, 20:00 да 1979 йил Қуйи Чирчиқ туманида туғилган фуқаро Т.П. Damas русумли автомашинасини бетон тўсиққа уриб олган. Ҳайдовчи машинадан тушиб, автомобили ҳолатини кўздан кечирмоқчи бўлган ва кўприк носозлиги сабаб Дарғом каналига тушиб кетган.
«Ҳолат юзасидан вилоят Фавқулодда вазиятлар бошқармасига хат берилган. Ўша кундан бери қидирув-қутқарув ишлари олиб борилмоқда. Аммо фуқаро ҳали топилмади», — дейди бошқарма ахборот хизмати раҳбари Илҳом Боқиев.
Вилоят Фавқулодда вазиятлар бошқармаси воқеа юзасидан қўшимча маълумот берилишини маълум қилди.
Изоҳ (0)