Тошкент вилояти Бўстонлиқ туманида фуқарога қурол ўқталган ҳайдовчи қўлга олинди, дея хабар бермоқда вилоят ИИБ матбуот хизмати.
Қайд этилишича, 2022 йилнинг 9 март куни Тошкент вилояти ИИББ навбатчилик қисмига Бўстонлиқ тумани «Азадбаш» қўрғонида ҳайдовчи ўз оиласи билан ўзига тегишли транспорт воситасида ҳаракатланиб кетаётган вақтида Matiz ҳайдовчиси уларга қурол ўқталиб, тўхтамоқчи бўлгани тўғрисида хабар келиб тушган.
Шу заҳоти кўрилган чора тадбирлар натижасида Matiz ҳайдовчиси 1997 йилда туғилган М.А. транспорт воситасини ташлаб қочиб кетаётган вақтида Бўстонлиқ тумани ИИБ ЙҲХБ ЙПХ инспектори Э.I. томонидан ушланган.
Холислар иштирокида автоулов кўздан кечирилганда машинада пневматик қурол борлиги ва ҳайдовчи маст ҳолда бўлгани аниқланди.
Ҳолат юзасидан тегишли ҳужжатлар расмийлаштирилиб, қонуний чора кўриш учун ҳайдовчи ва далилий ашёлар Бўстонлиқ тумани ИИБга олиб борилган.
Изоҳ (0)