Ички ишлар вазирининг шахсий таркиб бўйича буйруғи билан лавозим тайинловлари амалга оширилди. Бу ҳақда ИИВ хабар қилди.
Қайд этилишича, полковник Абдувосит Абдуразаков Тошкент шаҳар ИИББ бошлиғининг ўринбосари-ИИББ ҳузуридаги тергов бошқармаси бошлиғи лавозимига тайинланган. Тайинловга қадар А.Абдуразаков Тошкент шаҳар Учтепа тумани бўйича ИИО ФМБ бошлиғи лавозимида фаолият юритган.
Полковник Дилмурод Мирсадиков Тошкент шаҳар Учтепа тумани бўйича ИИО ФМБ бошлиғи лавозимига тайинланган. Тайинловга қадар Д.Мирсадиков Тошкент шаҳар ИИББ бошлиғининг ўринбосари-ИИББ ҳузуридаги тергов бошқармаси бошлиғи вазифасини бажарувчи бўлиб фаолият юритган.
Полковник Исматжон Ибрагимов Самарқанд шаҳар бўйича ИИО ФМБ бошлиғи лавозимига тайинланган. Тайинловга қадар И.Ибрагимов Тошкент вилояти ҳокимининг ўринбосари маҳалла ва оилани қўллаб-қувватлаш бошқармаси бошлиғи лавозимида фаолият юритган.
Подполковник Анвар Рахматов Самарқанд тумани ИИБ бошлиғи лавозимига тайинланган. Тайинловга қадар А.Рахматов Самарқанд вилояти ИИБ ҳузуридаги Тергов бошқармаси бошлиғи ўринбосари – Тергов қисми бошлиғи лавозимида фаолият юритган.
Подполковник Аброр Валиев Самарқанд вилояти, Оқдарё тумани ИИБ бошлиғи лавозимига тайинланган. Тайинловга қадар А.Валиев ИИВ Жиноят қидирув бош бошқармасида бўлим бошлиғи лавозимида фаолият юритган.
Подполковник Баҳодир Раҳматов Самарқанд вилояти, Нарпай тумани ИИБ бошлиғи лавозимига тайинланган. Тайинловга қадар Б.Раҳматов Самарқанд вилояти ИИБ Ташкилий бошқарма бошлиғи лавозимида фаолият юритган.
Аввалроқ ички ишлар вазирининг шахсий таркиб бўйича буйруғи билан 6 та туман ИИБларига янги бошлиқлар тайинланганди. Шунингдек, Самарқанддаги 4 та шаҳар ва туман ИИБларига янги раҳбарлар, Тошкент шаҳар ИИББ тергов бошқармасига янги бошлиқ тайинланди.
Изоҳ (0)