10 март куни Молдовадан 98 нафар Ўзбекистон фуқаросини Бухарест шаҳри (Руминия) аэропорти орқали эвакуация қилиш ишлари якунланди. Бу ҳақда ТИВ расмий вакили хабар берди.
Эвакуация қилинган фуқароларнинг 17 нафари аёл, 5 нафари вояга етгаман шахс ва 4 нафари чақалоқ.
Польша ҳудудида Ўзбекистоннинг 220 нафарга яқин фуқароси, Украина—Польша чегарасида эса 50 га яқин ўзбекистонлик қолмоқда.
Маълум қилинишича, 11 март куни битта эвакуация рейси амалга оширилиши режалаштирилган.
Аввалроқ Украинанинг Молдова билан чегарадош жойларида яшовчи 200 га яқин ўзбекистонлик бошпана излаб, Молдова ҳудудига ўтгани тўғрисида хабар берилганди. Мамлакат инсонпарварлик нуқтаи назаридан, фуқаролигидан қатъи назар, ўз ҳудудига кираётган барча шахсларни ташиш, жойлаштириш, овқатлантириш ва бошқа зарур масалаларда кўмак бермоқда. Кейинроқ Ўзбекистон ТИВ расмий вакили Молдова ҳудудида бўлиб турган Ўзбекистон фуқароларини олиб чиқиш масаласини ишлаб чиқиш бошланганини маълум қилганди. 10 март куни Молдова ҳудудида бўлган 94 нафар фуқаро Ўзбекистон дипломатлари ҳамроҳлигида Молдова—Руминия чегарасини кесиб ўтгани айтилди.
Изоҳ (0)