3 март ҳолатига кўра Россия рубли 93 сўмга тушиб кетди. Бу 2017 йилдаги валюта либерализациялашувидан бери янги рекорд натижа.
Шу муносабат билан, Марказий банк чораларни кўришни бошлади. Ўзбекистоннинг барча банкларига:
- рублдаги пул ўтказмалари бўйича айирбошлаш операцияларини узлуксиз амалга ошириш;
- валюта курсини белгилашда сотиб олиш ва сотиш курслари ўртасидаги фарқни мақбул равишда сақлаб туриш;
- Россия рублини сотиш ва сотиб олиш курсларини жорий халқаро котировкаларга асосан кун давомида ўзгартириб бориш тавсия қилинди.
Бу нима дегани?
Бу Россиядаги Ўзбекистон фуқароларига пул маблағларини рублда юбориш ва республика ҳудудида ушбу маблағларни ихтиёрий валютада қабул қилиб олиш имконини беради.
Марказий банк мавжуд вазиятни мунтазам кузатади ва зарур ҳолларда аҳоли манфаатларини ҳамда миллий валюта ва банк тизими барқарорлигини таъминлаш бўйича қўшимча чораларни кўради.
Аввалроқ Россия рублининг Ўзбекистон иқтисодиётига қанчалик боғлиқ экани ҳақида хабар берилган эди (пул ўтказмалари – асосий омиллардан бири).
Изоҳ (0)