Сурхондарё вилоятининг Сариосиё туманида темурийлар даврига оид мис тангалар топилгани тўғрисида хабар берилганди. Бош прокуратура матбуот котиби Ҳаёт Шамсутдиновнинг ёзишича, мазкур мис тангалар Мирзо Улуғбек ҳукмронлиги (XV аср) даврида зарб этилгани аниқланган.
Сариосиё тумани «Алишер Навоий» маҳалласида яшовчи маҳаллий аҳоли Тўполондарё ёқасидан қадимий тангалар топиб, бу ҳақда туман ҳокимлигига маълум қилган.
«Тўполондарё Жанубий Ҳисор тоғ тизмасидан бошланувчи йирик сув сиғимига эга дарё бўлиб, Сариосиё туманининг ‘Алишер Навоий’ маҳалласи ҳудудига етиб келганда анча саёзлашади. Дарё айни кунда бутунлай қуриб қолгани боис шу маҳаллада яшовчи аҳоли дарёдан тош олиб чиқиб, қурилишда фойдаланади. Шундай кунларнинг бирида одамлар тошлар орасидан тангалар топиб олган», — дейди Туризм ва маданий мерос вазирлиги ҳузуридаги Маданий мерос агентлиги раҳбари ўринбосари Турсунали Қўзиев.
«Манзилдаги қидирув ишлари Бош прокуратура томонидан назоратга олинган», — деб ёзади Ҳаёт Шамсутдинов.
Изоҳ (0)