Беларусда россиялик журналист ва блогер Юрий Дуднинг YouTube’даги «вДуд» каналида эълон қилинган айрим материаллар экстремистик деб топилди. Мазкур қарор 10 март куни республика ИИВ Уюшган жиноят ва коррупцияга қарши курашиш бош бошқармаси томонидан қабул қилинган. Бу ҳақда идоранинг Telegram’даги канали орқали маълум қилинди.
Хабарда қайд этилишича, қарор Минск марказий туман суди томонидан бошқарма тақдим этган материаллари асосида қабул қилинган. «YouTube’даги ‘Дуд’ каналининг ‘Коммисаренко…’, ‘Қандай яшаш керак…’, ва ‘…асосий медиа’ роликлари кўнишидаги ахборот маҳсулотлари экстремистик материаллар деб топилди», — дея аниқлик киритади идора. Гап «Комиссаренко — Беларусдаги норозилик намойишларидан кейинги янги ҳаёт», «Ватандан айирсалар қандай яшаш керак?» ва «NEXTA — Беларусь норозилик намойишининг асосий медиаси» видеоматериаллари ҳақида кетмоқда.
Бундан ташқари, Беларусь ИИВ фуқароларни экстремистик материалларни сақлаш, шунингдек, экстремистик дея тан олинган Telegram каналлар ва чатларга обуна бўлиш қонун бўйича жавобгарликка тортилишга олиб келиши ҳақида огоҳлантирган.
Олдинроқ Хавфсиз интернет лигаси директори, Россия Жамоатчилик палатаси аъзоси Екатерина Мизулина мамлакат Бош прокуратураси ва Адлия вазирлигидан Дуднинг хориждан молиялаштирилиши текширишни сўраганди. Унинг сўзларига кўра, ОАВлардаги маълумотлар тасдиқланса, Хавфсиз интернет лигаси Дудни Россия ҳудудида хорижий агент функциясини бажарувчи дея тан олишни талаб қилади.
Изоҳ (0)