IELTS — инглиз тилини билиш даражасини баҳолайдиган халқаро тизим Украинадаги уруш фонида «ташқи сиёсий вазиятнинг кескинлашуви туфайли» Россиядаги имтиҳонларнинг барчасини бекор қилди. Имтиҳон топширишни режалаштирганларга бу ҳақда хат келган, деб ёзмоқда «Коммерсантъ».
«Ташқи сиёсий вазиятнинг кескинлашуви натижасида Россия Федерациясида IELTS имтиҳонларини олувчилар – British Council & Cambridge Assessment English қарори билан барча IELTS имтиҳонларининг сессиялари тўхтатилди», — дейилади мактубда.
Компания имтиҳон учун қилинган тўловларни зудлик билан унга тайёргарлик курсларига ўтказишни таклиф қилган. Акс ҳолда Россияда имтиҳонлар қайта тикланмагунча тўлов пуллари музлатилади. Имтиҳонлар яна қачон ўтказилишига IELTS аниқлик кирита олмаган.
«Афсуски, ҳозир бизда регистрация учун янги саналар ҳақида аниқ маълумот йўқ, аммо биз сизнинг имтиҳонингизни имкон қадар тезроқ ташкил қилиш учун барча саъй-ҳаракатларни амалга оширамиз», — дея қўшимча қилган компания.
Мавзуга доир:
- Россия Марказий банки валюта беришни чеклади: россияликлар ҳисоб рақамидан 10 минг доллардан ортиқ еча олмайди, қолгани фақат рублда берилади
- Эстония ҳукумати ўз фуқароларига Россия ва Беларусь ҳарбийларига ёрдам кўрсатишни тақиқлади
- Видео: Россия бўйлаб урушга қарши акциялар бўлиб ўтмоқда. Полиция намойишчиларни оммавий ҳибсга олмоқда
Изоҳ (0)