Венесуэла президенти Николас Мадура янги жаҳон уруши бошлангани ва у иқтисодий характерга эга эканини маълум қилди, деб хабар беради TeleSUR телеканали.
«У хом ашё, озиқ-овқат ва энергия етказиб беришда беқарорликни келтириб чиқариш орқали бутун мамлакат ва минтақаларни бўғиб қўйишни мақсад қилган», — дейди у.
Мадуронинг фикрича, ушбу уруш иқтисодий босқичдан ядро қуролидан фойдаланиш хавфи бўлган ҳақиқий қуролли қарама-қаршиликка айланиб кетиши мумкин.
«Мен аввал бошидан Украина Россияга қаратилган оммавий қирғин қуролига эга бўлиши мумкинлигини инкор этмаганлардан бири эдим. Дунёда ҳақиқий ядро уруши хавфи мавжуд. Венесуэла жаҳон ҳамжамиятини ҳушёр бўлишга чақиради», — дейди давлат раҳбари.
Аввалроқ Венесуэла Россия президенти Владимир Путиннинг Донбассда тинчликни ҳимоя қилишга қаратилган чора-тадбирларини тўлиқ қўллаб-қувватлашини билдирганди. «Венесуэла Россияда тинчликни сақлаш, ўз халқи ва ватанини жасорат билан ҳимоя қилишда президент Владимир Путинни тўлиқ қўллаб-қувватлашини маълум қилади», — деган Мадуро.
У, шунингдек, Россия ва унинг раҳбарига қарши глобал манипуляция кампанияларини мағлуб қилишга чақирганди. «Ўзимизни минг марта такрорланган ёлғонга алданиб қолишимизга йўл қўймаймиз. Путин тинчлик ҳуқуқи ва ўз халқининг қадр-қимматини ҳимоя қилишини яхши биламиз», — дея қўшимча қилган Венесуэла президенти.
Мавзуга доир:
- Урушнинг 14-куни: Мариуполдаги касалхонага авиазарба берилди. Чернобил АЭС қувватдан узилди. Россия Мудофаа вазирлиги Украинага муддатли ҳарбий хизматчилар юборилганини тан олди (фото)
- Еврокомиссия Россия кўмири, нефть ва газидан 2030 йилгача воз кечиш юзасидан хомаки режа ишлаб чиқди
- Россия компанияларининг топ-менежерлари Европа иттифоқи янги санкциялари рўйхатига киритилди
Изоҳ (0)