Бугун,

  • USD 11095.31
  • RUB 173.84
  • EUR 10772.44

Уруш роппа-роса икки ҳафтадан буён давом этмоқда. Украина ОАВлари Ворзел, Ирпин, Энергодар ва Изюм туманларидан тинч аҳоли эвакуация қилингани ҳақида хабар берди. Мамлакат расмийларининг маълумотларига кўра, бир кунда 40 минг киши уйларини тарк этган. Эвакуация йўлаклари бўйича келишувларга қарамай, отишмалар давом этмоқда — Россия авиацияси Мариуполдаги шаҳар касалхонаси ҳудудига зарба берди. Одессада ҳам отишмаларга ҳозирлик кўрилмоқда — герцог де Ришеле ҳайкали (у шаҳар асосчиси ҳисобланади) қум тўлдирилган қоплар билан ўралди. Қамал қилинган шаҳарларда электр энергияси, сув ва озиқ-овқат тугаб бормоқда. Meduza 9 март, урушнинг ўн тўртинчи кунидан асосий воқеалар ва фотосуратларни тақдим қилди.

Киев метроси бомба бошпанаси сифатида хизмат қилишда давом этмоқда

Киев метроси бомба бошпанаси сифатида хизмат қилишда давом этмоқда
Фото: СТФ

Уруш зонасидаги вазият. Мариупол ва Донецк вилояти расмийлари Россия авиацияси 3-сонли шаҳар касалхонаси ҳудудига ҳужум қилгани ҳақида хабар берди. Воқеа жойидан олинган видеода айтилишича, зарба болалар ва туғруқхона бўлимлари ўртасига берилган; OpenStreetМап хариталаш сервисида бу бинолар болалар ва гинекология бўлимлари сифатида белгиланган. Дастлабки маълумотларга кўра, 17 киши жароҳатланган.

9 март куни Мариупол ҳукумати уруш пайтида шаҳарда 1300 га яқин тинч аҳоли ҳалок бўлганини маълум қилди, аммо ўша куни эълон қилинган БМТ маълумотларида бутун Украина бўйлаб, жумладан айирмачилар назорати остидаги ҳудудларда 516 киши ҳалок бўлгани айтилади.

Украина ФВВ ходимлари ўққа тутилган туғруқхонадан ярадор ҳомиладор аёлни олиб чиқмоқда. Мариупол

Украина ФВВ ходимлари ўққа тутилган туғруқхонадан ярадор ҳомиладор аёлни олиб чиқмоқда. Мариупол
Фото: AP Photo

Қамалдаги Мариуполда отишмадан вайрон бўлган турар жой биноси

Қамалдаги Мариуполда отишмадан вайрон бўлган турар жой биноси
Фото: AP Photo

Мариуполда сув учун навбат. Шаҳар бир ҳафтадан бери қамалда. Уйларда сув, иситиш, электр тизимлари ишламаяпти, одамлар ертўлаларда яшамоқда

Мариуполда сув учун навбат. Шаҳар бир ҳафтадан бери қамалда. Уйларда сув, иситиш, электр тизимлари ишламаяпти, одамлар ертўлаларда яшамоқда
Фото: AP Photo

Отишмадан сўнг вайрон бўлган турар жой биноси. Харьков

Отишмадан сўнг вайрон бўлган турар жой биноси. Харьков
Фото: AFP

Гуманитар йўлаклар. Украина ОАВларининг хабарларига кўра, Ворзел, Ирпен, Энергодар ва Изюм каби қатор туманлардан бир қанча тинч аҳоли эвакуация қилинган. Бошқа жойларда эса, Украина томонининг таъкидлашича, россияликлар автобуслар киришини тўсиб қўйган ёки йўлакни ўққа тутишда давом этган. Россия Мудофаа вазирлиги Киевни «имконсиз талаблар» қўйиш, йўналишларни мувофиқлаштиришни рад этиш ва ўққа тутишда айбламоқда. Кун якунида Украина парламентидаги «Халқ хизматчиси» фракцияси раҳбари Дэвид Арахамия «Украинанинг турли бурчакларидан» бир кунда 40 минг аёл ва болалар эвакуация қилингани ҳақида баёнот берди, бироқ уларнинг қанчаси қамал қилинган ёки ўққа тутилган ҳудудлардан олиб чиқилгани маълум эмас.

Журналистлар Киев вилоятининг Ирпен шаҳридан тинч аҳолини эвакуация қилишга ёрдам бермоқда

Журналистлар Киев вилоятининг Ирпен шаҳридан тинч аҳолини эвакуация қилишга ёрдам бермоқда
Фото: Reuters

Киев шимолида йўл бўйидаги лагерда кўнгиллилар овқат тайёрлашмоқда

Киев шимолида йўл бўйидаги лагерда кўнгиллилар овқат тайёрлашмоқда
Фото: Getty Images

Ирпен шаҳри аҳолисини эвакуация қилаётган автобус

Ирпен шаҳри аҳолисини эвакуация қилаётган автобус
Фото: AP Photo

Львов-Днепр поезди ёнида хайрлашаётган одамлар. Львов темир йўл станцияси

Львов-Днепр поезди ёнида хайрлашаётган одамлар. Львов темир йўл станцияси
Фото: Getty Images

Чернобил АЭСдаги вазият. 8 март куни МАГАТЕ (Атом энергияси бўйича халқаро агентлик) Чернобил АЭС Россия ҳарбийларининг қўлига ўтганидан бери станцияда ишчилар алмашинуви бўлмагани, одамлар сменасиз ишлаётгани ҳақида маълум қилганди. 9 март куни, «Укрэнерго»электр узатиш линияларидаги авария туфайли станция тўлиқ қувватдан узилганини эълон қилди. Унга кўра, дизель электр генераторлари энг узоғи икки кун ишлайди ва жанглар туфайли таъмирлашни амалга оширишнинг иложи йўқ. Россия ушбу ҳодисада «Украина миллатчилари»ни айблаб, уларнинг электр симларига ўқ узганини айтмоқда. Россия Мудофаа вазирлигининг баёнотида таъкидланишича, станцияни Беларусь электр энергияси билан таъминлаш режалаштирилган.

Камуфляждаги Украина аскари. Киев

Камуфляждаги Украина аскари. Киев
Фото: AP Photo

Украина аскарлари Луганск вилоятидаги жангдан кейин

Украина аскарлари Луганск вилоятидаги жангдан кейин
Фото: AFP

Ота уч ёшли қизи билан Одессадаги бомба бошпанасига тушиб кетмоқда

Ота уч ёшли қизи билан Одессадаги бомба бошпанасига тушиб кетмоқда
Фото: Reuters

Одесса марказидаги чиқинди қутисидан овқат қидираётган аёл

Одесса марказидаги чиқинди қутисидан овқат қидираётган аёл
Фото: AFP

Одесса асосчиси, герцог де Ришеле ҳайкалини отишмалардан ҳимоя қилиш учун қумли қоплар билан ўраб қўйишган

Одесса асосчиси, герцог де Ришеле ҳайкалини отишмалардан ҳимоя қилиш учун қумли қоплар билан ўраб қўйишган
Фото: Reuters

Урушга юборилган Россия муддатли ҳарбий хизматчилари. Россия Мудофаа вазирлиги  муддатли ҳарбий хизматчилар Украинага юборилганини кутилмаганда тан олди — буни хато ва камдан кам ҳодиса сифатида изоҳлади: вазирлик вакилининг айтишича, «афсуски, операцияда улар ҳам иштирок этаётганига оид бир қанча фактлар» аниқланган. Аскарларнинг қариндошлари бу ҳақда урушнинг дастлабки кунидан бери гапирган, бироқ расмийлар, жумладан, 4 март куни Владимир Путин буни қатъиян рад этганди.

Муддатли ҳарбий хизматчилар билан боғлиқ вазиятни тан олишга Украинада асирга тушган ёш аскарлар Россия армиясига атиги 2021 йилнинг ёзида чақирилгани ҳақида гапирган видеонинг тарқалиши ёрдам берган бўлиши мумкин. 9 март куни ушбу аскарларнинг баъзилари Киевдаги матбуот анжуманида қатнашиб, унда Россия раҳбариятини ёлғончиликда айблади ва токи ҳокимият алмашмас экан, Россияга қайтишни истамаслигини билдиришди (бу баёнотлар ихтиёрий равишда берилгани ёки йўқлигини аниқлаш имконсиз).

Россия банкларидаги вазият. Марказий банк россияликларнинг ўз ҳисобварақларидан валюта ечиб олиш имкониятини кескин чеклаб қўйди — олти ой давомида улар ҳисобидан 10 минг доллардан кўп бўлмаган маблағни ечиб олиш мумкин бўлади (турли банклардаги ҳисоб эгалари уларнинг ҳар бирида шунчадан олиши мумкин). Қолган маблағларини россияликлар фақат рублда олиши мумкин.

Россия—Украина урушига оид тезкор, ишончли янгиликлар ва маълумотларни Дарйўнинг ливе саҳифаси орқали кузатиб боринг → @Daryo_Live

Изоҳ
Асосий янгиликлар
Маҳаллий
Андижонда кредит маблағларини ўзлаштирган раҳбарларга жиноят иши қўзғатилди
Маҳаллий
Ўтган йили биржа бозорларимиз рекорд даражада ўсди — Республика валюта биржаси
Иқтисодиёт
“Россияга қарши энг яхши стратегик жавоб”: Украина фармацевтика компанияси Ўзбекистондаги “Река-Мед”ни сотиб олди