Ички ишлар вазирининг буйруғи билан полковник Абдувосит Абдураззоқов Тошкент шаҳар ички ишлар бош бошқармаси бошлиғининг ўринбосари — ИИББ ҳузуридаги тергов бошқармаси бошлиғи лавозимига тайинланди. Бу ҳақда Тергов департаменти матбуот хизмати хабар берди.
2021 йилнинг сентябридан шу кунга қадар полковник Дилмурод Мирсодиқов ИИББ ҳузуридаги тергов бошқармаси бошлиғи вазифасини бажарувчиси лавозимида фаолият юритаётган эди.
Абдувосит Абдураззоқов тайинловга қадар 2021 йилнинг майидан буён Тошкент шаҳар Учтепа тумани Ички ишлар органлари фаолиятини мувофиқлаштириш бошқармаси (ФМБ) бошлиғи лавозимида ишлаб келаётганди. Ундан олдин эса Сергели туман Ички ишлар органлари ФМБ бошлиғи бўлган.
Маълумот учун, Абдураззоқов 1981 йилда Тошкент шаҳрида туғилган. 2002 йилда ИИВ академиясини тамомлаган. Сўнгра ички ишлар соҳасининг турли лавозимларида фаолият юритиб келган.
Изоҳ (0)