Германия канцлери Олаф Шольц Россия Украина билан бошлаган уруш туфайли мамлакатдан ғарб давлатларига экспорт қилинадиган нефть ҳамда газга нисбатан санкциялар қўлланилиши борасида эҳтиёткорлик билан фикр юритди. Шольц тақиқлар Европадаги энергетика хавфсизлиги учун чинакам таҳдид бўлишини билдирди. Бу ҳақда «Коммерсантъ» хабар берган.
«Европа Россияни энергетика етказиб бериш борасидаги санкциялардан атайин озод қилди», — дея Германия канцлерининг мулоҳазаларидан иқтибос келтирган AFP.
«Европани иссиқлик энергия манбалари билан таъминлаш, электр етказиб бериш, ишлаб чиқариш ҳамда саноатни юргизади, буни ҳеч қандай муқобил энергия манбаси билан таъминлаб бўлмайди. Шунинг учун ушбу йўналиш фуқароларимизнинг кундалик турмуш тарзи ва коммунал хизматлардан фойдаланишини таъминлашда муҳим аҳамиятга эга»,— деган Олаф Шольц.
Аввал Германия Федератив Республикаси «Шимолий оқим-2» лойиҳасининг сертификациядан ўтказиш жараёнини «музлатганди». Бу Россия Донецк ҳамда Луганск Халқ Республикаларининг мустақиллигини тан олганидан кейин содир бўлган. Мазкур тақиқларга қарамай Германия Россия гази, кўмири, нефтини олишда давом этмоқда ва энергия манбаларини Россияни айланиб ўтиш орқали харид қилмоқда.
Шунингдек, АҚШ Конгресси Россиядан нефть импортини тақиқлаш масаласини кўриб чиқаётгани, Вашингтоннинг Песков, Усмонов, Ротенберглар ва уларнинг оила аъзоларига қарши санкциялар эълон қилгани, Германияда Алишер Усмоновнинг 156 метрлик «Дилбар» яхтаси хатловга олингани, Оқ уй Россиянинг мудофаа билан боғлиқ 22 та компаниясига нисбатан санкциялар қўллагани ҳақида хабарлар берилган.
Изоҳ (0)