Иссиқ ҳаммом, караоке ва шоппинг: парҳез ҳамда жисмоний машқларсиз вазн йўқотишнинг 6 усули

Саломатликни сақлаб қолиш учун мунтазам равишда машқ қилиш керак: тахминан ҳафтасига камида бир ярим соат. Аммо вазн йўқотиш учун фаоллик янада кўпроқ талаб этилади. Жисмоний машқлар эса жуда зерикарли. Шунингдек, калорияларни осонроқ, ёқимли ва қизиқарли тарзда сарфлашнинг бошқа усуллари ҳам мавжуд.

Иссиқ ҳаммом

Ярим соат иссиқ ҳаммом қабул қилиш давомида 130 калория сарфланади – бу ярим соатлик юриш билан бир хил. Бундан ташқари, иссиқ ҳаммом стрессни енгиллаштиришга, уйқуни яхшилашга ёрдам беради, шунингдек, жараёндан кейин мушаклар бўшашади.

Офис креслоси ўрнига фитбол коптоги

Ўтроқ турмуш тарзи даҳшатли. Бу биринчи навбатда қоматга таъсир қилади ва соғлиққа путур етказади. Агар иш ўтирган ҳолатда кўп вақт сарфлашни талаб қилса, одатдаги офис стулини фитбол тўпи билан алмаштириш лозим. Бу билан нафақат соғлиқни сақлаш, балки кунига қўшимча 300 калория сарфлаш ҳам мумкин.

Тозалаш

Спорт залидаги шуғулланишни мунтазам тозалаш билан алмаштириш мумкин: чангларни артиш, чангютгичдан фойдаланиш, полларни тозалаш учун камида 200 калория керак бўлади.

Рақс

Ортиқча килограммдан қутулишнинг энг ёқимли усули – бу рақс. Ҳафтасига бир марта рақсга тушиб, 200 дан 500 гача калория сарфлаш мумкин!

Харид қилиш

Ҳақиқатан ҳам 45 дақиқалик харид чоғида 100 калория сарфланади. Агар бир вақтнинг ўзида янги кийимлар мунтазам равишда сотиб олинса, вазн ортишидан хавотир олмаса ҳам бўлади.

Гардеробни кўздан кечириш

Баҳор – гардеробни саралаш учун ажойиб вақт. Айтганча, битта кийимни кийиб кўриш давомида организм 15 калория сарфлайди! Гардеробдаги барча кийимларни кийиб кўришнинг ўзи ҳам озишга ёрдам беради.

Массаж

Йўқ, бу албатта, озиш ёки қоматни коррексияловчи массаж эмас. Оддий, чарчоқларни бартараф этувчи массаж ҳам калория сарфланишига олиб келади. Демак, бу ҳам икки томонлама фойдали экан.

Караоке

Озиш жараёнини завқ билан бирлаштиришнинг яна бир усули – караокеда қўшиқ куйлаш. Бундан ташқари, қўшиқлар қанчалик ёқимли бўлса, шунча яхши: бир соат қўшиқ куйлаш 140 калория сарфлашга ёрдам беради ва ҳар йигирма дақиқада кулиш эса яна 70 калориядан халос этади.