Лимон таом ва ичимликларга нордон таъм қўшади, лекин бу унинг ягона фойдаси эмас: шу билан бирга, у саломатлик ва ташқи кўринишни яхшилайди. Бу ҳақда батафсил маълумотга қуйида эга бўлиш мумкин.
Ўзини доимо яхши ҳис қилмоқчи бўлганлар арзимаган нарсалардан бошлаб катта ўзгаришларга эришиши мумкин. Лимон шарбати ёки шунчаки сувга лимон бўлакларини қўшиб, аста-секин тери, қомат, ва энг муҳими, энергия даражасини яхшилашингиз мумкин.
Лимон шарбатини рационга қўшишнинг еттита сабаби бор. Бироқ ҳар бир маҳсулотнинг нафақат фойдали жиҳатлари, балки камчиликлари ҳам борлигини ёдда тутиш керак. Лимоннинг ўзига хос камчилиги шундаки, у ошқозон-ичак трактини безовта қилиши ёки буйракларга салбий таъсир кўрсатиши мумкин. Ушбу соҳаларда бирор-бир муаммоси бор инсонлар соғлиқ билан тажриба ўтказишдан олдин шифокор билан маслаҳатлашиши зарур.
Лимон иммунитет тизимини мустаҳкамлайди
C витамини организмнинг турли касалликларга чидамлилигини оширади. Шунинг учун у шамоллаш ва гриппнинг дастлабки босқичларида буюрилади. Қоида тариқасида, мавсумдан ташқари лимон ва асал билан илиқ ичимлик тайёрланади.
Лимон C витаминининг табиий манбаи ҳисобланади
Бошқа цитрус мевалари каби лимон ҳам C витаминига бой. У иммунитет тизимини мустаҳкамловчи ва ҳужайраларни шикастланишдан ҳимоя қилувчи кучли антиоксидант ҳисобланади. Ушбу витаминга бой овқатлар мавсумий касалликларни енгишга ёрдам беради ва энергияни орттиради. Бироқ барча мевалар орасида лимон ёки цитрус меваларнинг ҳаммаси эмас, балки киви C витамини бўйича рекордчи ҳисобланади.
Лимонли ичимлик тери кўринишини яхшилайди
Лимондаги C витаминининг юқори миқдори, шунингдек, кўп миқдорда сув ва соғлом гидрация туфайли терига ижобий таъсир ўтказади. Натижада ажин тушиш жараёни бироз секинлашади ва қуруқ терининг ҳолати яхшиланади.
Лимон кислотаси овқат ҳазм қилишни рағбатлантиради
Илиқ сув лимон шарбати билан тенг нисбатда аралаштирилиб ичилса, овқат ҳазм қилиш тизими яхшиланади. 200-300 мл дан кўп бўлмаган миқдорда овқатдан ярим соат олдин ичиш тавсия этилади. Илиқ суюқликлар овқат ҳазм қилиш тизимини бўшаштиради, баъзида оч қоринга қабул қилинганда ич тозаловчи таъсир кўрсатади. Аммо, агар ошқозон билан боғлиқ муаммолар мавжуд бўлса, овқатдан олдин лимонли сув ичишдан аввал шифокорга мурожаат қилган маъқул.
Лимон буйракда тош тўпланишининг олдини олади
Агар буйракда тошлар бўлса, шифокор рухсатисиз лимонли сув ичмаслик керак. Шунингдек, бундай муаммолар бўлмаса, лимон шарбатини мунтазам истеъмол қилиш буйракда тош пайдо бўлиш эҳтимолини камайтиради. Кўпроқ сув ичиш организмни тошлардан тозалашга ёрдам беради, аммо буни мутахассис назорати остида қилган маъқул.
Лимон вазн камайтиришга ҳисса қўшади
Кўпгина диетологлар лимонли сув вазн камайтиришга ёрдам беришини маълум қилган. Тадқиқотчилар лимонли сувнинг сичқонларга таъсирини баҳолаб, вазн камайтиришини аниқлади. Бироқ, экспертларнинг таъкидлашича, лимонли сувнинг таъми носоғлом газакларга бўлган иштиёқни тўхтатишга ёрдам беради ва бу вазн ортишига сабаб бўлмайди, айниқса, шакарли ичимликлар оддий, шакарсиз лимонли сувга алмаштирилса. Фойдали ва мазали ичимлик тайёрлаш учун нафақат лимон шарбати, балки унинг пўстидан ҳам фойдаланиш мумкин.
Лимон гидрацияни кучайтиришга ёрдам беради
Кўпчилик сувни ихтиёрий ёки шунчаки таъмсиз нарса сифатида қабул қилади ва унга лимон қўшилса, ичимлик янада мазали бўлади. Эрталабдан цитрус бўлаклари ёрдамида организм учун керак бўлган миқдорда суюқлик ичиш мумкин. Ушбу лайфхак доимий равишда суюқлик истеъмол қилишга кўникишга ёрдам беради.
Изоҳ (0)