Bugun,

  • USD 11095.31
  • RUB 173.84
  • EUR 10772.44

Bel aylanasining o‘lchamini aniqlash va ortiqcha vazn uchun jarimalar haqida gapirish shunchaki gap bo‘lib qoldi, ammo salomatlikka g‘amxo‘rlik qilish hamisha muhim. Rostini aytganda, qorinda yog‘ to‘planishining oldini olish keyinchalik u bilan kurashishdan ko‘ra osonroqdir. Umuman olganda, kiyimlarning sig‘may qolishi va oshqozonning kengayishiga sabab bo‘ladigan sevimli taomlardan cheklanish orqali ortiqcha vaznni kamaytirish mumkin.

Foto: Pinterest

Foto: Pinterest

Ijtimoiy tarmoqlardan foydalanish

Bunga nafaqat stress va uyqu buzilishini misol qilish mumkin, balki har bir Facebook va Instagram ishqibozi ertami-kech duch keladigan masala mavjud. 2021-yili Garvardning Health blogida chop etilgan tadqiqot shuni ko‘rsatdiki, kuniga bir soatdan ko‘proq vaqtini ijtimoiy tarmoqlarda o‘tkazadiganlarda semirib ketish ehtimoli 57 foizga ko‘proq. Buning sababi boshqalarning o‘zgartirilgan qiyofasi aks etgan suratlarini tomosha qilishdir. Bu kabi yolg‘onlarga aldanib vaqt sarflamasdan, raqamli detoks tashkil qilish foydaliroq.

Ko‘p sharbat ichish

Agar sharbatlar yangi sabzavot va mevalarning o‘rnini bosadi deb hisoblasangiz, unda siz uchun yomon xabar bor. Sharbatlar sog‘liq uchun asosiy foyda keltiradigan kletchatkani o‘z ichiga olmaydi, chunki u shakar bilan to‘la bo‘lib, darhol so‘riladi va organizmga haqiqiy insulin zarbasini beradi. Kuniga ikki stakan sharbat yurak xuruji xavfini 150 foizga oshiradi. Bu hazil emas. Ha, sharbatlar vaznga salbiy ta’sir qiladi, shuning uchun bir stakandan asta-sekin kamaytirib borish va yaxshisi, faqat olma iste’mol qilish tavsiya etiladi.

Sport bilan shug‘ullanmaslik

Albatta, vazn yo‘qotishda parhezga tayanish mumkin, ammo unga muntazam jismoniy faoliyat qo‘shilsa, jarayon ancha tez va samaraliroq bo‘ladi. Mushaklarni chiqarish uchun organizmga ko‘proq energiya kerak va shuning uchun kichik jismoniy faoliyatdan keyin ham metabolizm tezroq ishlaydi va yog‘lar faolroq eriydi. Shu jumladan, oshqozonda ham hazm jarayoni faollashadi.

Noto‘g‘ri ovqatlanish

Qorin ochmagan holatda ham ovqatlanish kerak, bu ham bir qoida. Oziq-ovqatning odatdagi qismisiz organizm darhol metabolizmni sekinlashtiradi. Navbatdagi ovqatlanish jarayoni qachon bo‘lishi noma’lum. Tushlik yoki nonushtani o‘tkazib yuborish bu ozishga emas, balki semirishga olib keladi.

Gazlangan ichimlik ichish

Ayniqsa, shirin ta’mdagisini. Biroq shakarsiz degani kaloriyasiz degani emas. Sun’iy ta’m beruvchi qo‘shimchalar bilan ichimliklar semirish xavfini sezilarli darajada oshiradi. Shuningdek, diabet va yurak kasalliklarining yuzaga kelishiga sabab bo‘ladi. Yaxshisi, oddiy suv ichish tavsiya etiladi.

Suyuqlikni yetarli miqdorda ichmaslik

Qanchalik kam suv ichilsa, vazn bilan bog‘liq muammolar shunchalik ko‘p bo‘ladi. Namlikni yetarli darajada olmagan holda, organizm bor kuchini saqlab qolishga intiladi va shish yuzaga keladi. Bu vazn oshishiga olib keladi va tarozining o‘qini oldinga suradi. Ko‘p emas, bir yoki ikki kilogramm vazn tashlashni istaganlar, kuniga 8 stakan suv ichib, hayratlanarli natijaga erishishi mumkin.

Juda ko‘p ishlash

Mehnat qilishdan yaxshi narsa yo‘q, ammo stress, oila bilan qiyin munosabatlar, yurak-qon tomir tizimining kasalliklari, so‘ngra paydo bo‘ladigan qo‘shimcha kilogrammlar, ayniqsa, o‘tirib ishlaganda yuzaga keladi. Agar ish soatini kamaytirishning imkoni bo‘lmasa, hech bo‘lmaganda sog‘lom bo‘lishga imkon bor. Gimnastika uchun har soatda kichik tanaffuslar qilish, ofis stulini fitness to‘pi bilan almashtirish va tushlik tanaffusida ozgina sayr qilish organizm uchun juda foydali.

Izoh
Asosiy yangiliklar
Dunyo
Ukraina tashqi ishlar vaziri Putinning “Zelenskiyni o‘ldirmaslik” bo‘yicha bergan va’dasiga munosabat bildirdi
Sport
A Seriya. Eldor Shomurodovning debyut o‘yinida “Spetsiya” o‘zida “Napoli”ga yirik hisobda yutqazdi
Dunyo
Marsdan ham sovuqroq: AQSHda havo harorati tarixiy rekordni yangiladi (video)