6 март куни Россиянинг «ТАСС», «Интерфакс» ва «РИА Новости» ахборот агентликлари бир вақтда Украинада ядро қуролини яратиш бўйича ишлар олиб борилаётгани ҳақида хабар тарқатди. Агентликлар ўз хабарида «ваколатли идоралардан биридаги» манбага таянганини ёзган ва бир хил иқтибос келтирган.
Хабарларда айтилишича, Украина 1994 йилда Ядро қуролини тарқатмаслик тўғрисидаги шартномага қўшилганидан сўнг дарҳол «ўз ядро қуролини яратиш учун технологик асос ишлаб чиқиш мақсадида» тадқиқот ишларини бошлаган ва 2014 йилда бу ишни кучайтирган.
Ядро каллакларини лойиҳалашда қўлланиши мумкин бўлган ядровий портловчи қурилмани яратиш бўйича илмий-тадқиқот ишлари («НИОКР») кейинчалик уран ва плутоний зоналарида амалга оширилди. Украина илмий ҳамжамияти ҳам «портловчи», ҳам «ўт очувчи» турдаги қурилмани яратиш учун етарли ваколатларга эга, — дейди «ваколатли манба».Ҳар учала агентлик хабарида айтилишича, Украина бир неча ой ичида ядро қуролини яратиши мумкин.
СССР парчаланганидан кейин Украина тасарруфидаги ядро қуроллари олиб қўйилганди. Мамлакат Украина хавфсизлигини кафолатлаган Будапешт меморандуми доирасида ядровий мақомдан воз кечган. Меморандум Украина, Россия, АҚШ ва Буюк Британия томонидан имзоланган.
18 февраль куни Украина президенти Владимир Зеленский ўша меморандум доирасида музокаралар ўтказишга чақирди. «Агар музокаралар ўтказилмаса ёки уларнинг натижаларига кўра давлатимиз хавфсизлигини таъминлаш бўйича аниқ қарорлар қабул қилинмаса, Украина Будапешт меморандуми ишламаяпти, деб ҳисоблашга ва 1994 йилдаги барча қарорлар пакетини шубҳа остига олишга тўлиқ ҳақли», — деди Зеленский.
Мавзуга доир:
- Тамаддун интиҳоси: ядро уруши хавфи ҳақиқатга қанчалик яқин ва унинг оқибатлари қандай бўлади?
- «Ядровий уруш бошланса, унда ғолиблар бўлмайди». Путин ва Макрон Москвада 5 соатлик музокара ўтказди. Асосий маълумотлар
- Зеленский Минск ва Москвани ядровий қуролларга оид таҳдидлар билан «ўйнамасликка» чақирди
Изоҳ (0)