Аманбай Оринбаев Қорақалпоғистон Ички ишлар вазирлигига раҳбар этиб тайинланди. Бу ҳақда вазирлик ахборот хизмати хабар қилди.
Қайд этилишича, тайинлов ички ишлар вазирининг шахсий таркиб бўйича буйруғи билан амалга оширилган.
Тайинловга қадар полковник Оринбаев Жамоат хавфсизлиги департаменти Пробация хизмати бошлиғи лавозимида фаолият юритган.
Эслатиб ўтамиз, ушбу лавозимда 2016 йил сентябридан шу кунга қадар Айтбай Темирханов ишлаган. Ҳозирда унинг қайси лавозимга ўтгани ҳақида маълумот мавжуд эмас.
Аввалроқ Фарғона вилояти Ички ишлар бошқармаси бошлиғи лавозимига Муҳиддин Жўраев, Самарқанд вилояти ИББ бошлиғи лавозимига маҳалла ва оилани қўллаб-қувватлаш вазири Раҳмат Маматов, Наманган вилояти ИИБ бошлиғи лавозимига Шавкат Раҳмонов тайинлангани хабар қилинганди.
Изоҳ (0)