Amanbay Orinbayev Qoraqalpog‘iston Ichki ishlar vazirligiga rahbar etib tayinlandi. Bu haqda vazirlik axborot xizmati xabar qildi.
Qayd etilishicha, tayinlov ichki ishlar vazirining shaxsiy tarkib bo‘yicha buyrug‘i bilan amalga oshirilgan.
Tayinlovga qadar polkovnik Orinbayev Jamoat xavfsizligi departamenti Probatsiya xizmati boshlig‘i lavozimida faoliyat yuritgan.
Eslatib o‘tamiz, ushbu lavozimda 2016-yil sentabridan shu kunga qadar Aytbay Temirxanov ishlagan. Hozirda uning qaysi lavozimga o‘tgani haqida ma’lumot mavjud emas.
Avvalroq Farg‘ona viloyati Ichki ishlar boshqarmasi boshlig‘i lavozimiga Muhiddin Jo‘rayev, Samarqand viloyati IBB boshlig‘i lavozimiga mahalla va oilani qo‘llab-quvvatlash vaziri Rahmat Mamatov, Namangan viloyati IIB boshlig‘i lavozimiga Shavkat Rahmonov tayinlangani xabar qilingandi.
Izoh (0)