Россиянинг Red Wings авиакомпанияси Ўзбекистон ва Арманистон халқаро йўналишларида парвозларни давом эттиришини маълум қилди, деб хабар бермоқда «РИА Новости».
«Биз халқаро йўналишларда парвозларни давом эттирамиз. Москва, Екатеринбург, Махачқалъа, Самара ва Сочидан рейслар Арманистон (Ереван, Гюмри) ва Ўзбекистоннинг йирик шаҳарларига жадвал бўйича жўнайди», — дейилади компания хабарида.
Қайд этилишича, парвозлар Россиянинг SSJ100 самолётларида амалга оширилади. Уларнинг барчаси Россиянинг авиация реестрида рўйхатга олинган, Россия молия институтларига тегишли ва Россия суғурта компаниялари томонидан суғурталанган.
Ҳозирда амалда бўлган коронавирус чекловлари туфайли халқаро рейслар чартер рейслар мақомига эга.
Бундан аввал Россиянинг S7 Airlines компанияси Ўзбекистонга барча рейсларни май ойигача бекор қилгани ҳақида хабар берилган эди.
Изоҳ (0)