Шавкат Мирзиёев раислигида 4 март куни видеоселектор йиғилиши ўтказилмоқда. Асосий мавзу — ОТМлардаги талабаларнинг ишлаб, даромад топиши учун қўшимча имкониятлар яратиш, деб ёзмоқда президент матбуот котиби.
Қайд этилишича, ҳозирги кунда олийгоҳларда 510 минг нафар талаба кундузги шаклда ўқимоқда — жами 820 минг нафар. Давлат раҳбарининг топшириғига мувофиқ, ректорлар, талабалар ўртасида суҳбат ва сўровномалар ўтказилган.
Талабаларнинг 100 минг нафарга яқини ишлаш ва қўшимча даромад топиш нияти борлигини билдирган. Улар орасида 7,5 минг чин етим ёки ногиронлиги бўлган ҳамда 4,5 минг нафар «дафтарлар»га киритилган талабалар бор.
«Бу рақамлар ҳақиқатан анча юқори. Шунинг учун ректорлар ҳар бир талаба билан ўзлари мулоқот қилиб, ҳақиқий ҳолатни билиш ва уларни банд қилишга шахсан масъул», — дейди давлат раҳбари.
Таъкидланишича, ҳозирги кунда талабалар ишлаши мумкин бўлган 105 мингта вакант иш ўринлари мавжуд.
Мавзуга доир:
- «Ишлашга эҳтиёжи бор талабаларга ёрдам бериб, уларнинг бандлигини таъминлаш шарт» — Шавкат Мирзиёев
- Ўзбекистон ОТМларидаги бўш хона ва иншоотлар талабаларга бепул ажратилади
- Ўзбекистондаги ҳар бир ОТМ Олий таълим вазирлиги билан биргаликда Бандлик марказларини ташкил этади
- Ўзбекистонда ОТМларда пуллик ўқув курслари, тўгараклар ташкил этган талабалар даромад солиғидан озод қилинади
- «Барча давлат ташкилотлари ва муассасаларида талабаларнинг ишлашига рухсат берилади» — Шавкат Мирзиёев
- Украинадан қайтган талабаларга Ўзбекистондаги олийгоҳларда ўқишини давом эттириши учун барча шароитлар яратиб берилади
Изоҳ (0)