Ўзбекистоннинг 9 та вилоятида сел келиш хавфи эълон қилинди

«Ўзгидромет» 5—9 март кунлари кутилаётган кучли ёмғирлар ёғиши сабабли республиканинг тоғолди ва тоғли ҳудудларида сел хавфидан огоҳлантирди .

Қайд этилишича, қуйидаги ҳудудларда сел келиши хавфи эълон қилинади:

• Қашқадарё вилояти: Яккабог‘, Деҳқонобод, Чироқчи, Китоб, Шаҳрисабз, Қамаши, Ғузор, Косон туманларида;
• Сурхондарё вилояти: Сариосиё, Узун, Олтинсой, Денов, Бойсун, Шеробод, Шўрчи, Қумқўрғон туманларида;
• Самарқанд вилояти: Ургут, Самарқанд, Булунғур, Нуробод, Қўшработ, Каттақўрғон туманларида;
• Навоий вилояти: Хатирчи, Навбаҳор, Нурота, Конимех, Кармана туманларида;
• Жиззах вилояти: Зомин, Бахмал, Ғаллорол, Шароф Рашидов, Фориш, Янгиобод, Зафарабод туманларида;
• Тошкент вилояти: Оҳангарон, Бўстонлиқ, Паркент, Юқори Чирчиқ, Пискент, Бекобод туманларида;
• Наманган вилояти: Поп, Косонсой, Чортоқ, Чуст, Наманган, Янгиқўрғон туманларида;
• Фарғона вилояти: Сўх, Фарғона, Бешариқ туманларида;
• Андижон вилояти: Андижон, Жалақудуқ, Қўрғонтепа, Пахтаобод, Улуғнор туманларида.

Эслатиб ўтамиз, Ўзбекистоннинг тоғли ҳудудларида 25 февраль куни қор кўчиши ва сел келиш хавфи борлиги маълум қилинганди. Шу куни сел келиш хавфи Қашқадарё, Жиззах, Сурхондарё, Самарқанд вилоятида мавжуд бўлган. Тоғли ҳудудларда қор кўчиш хавфи 28 февралгача сақланиб қолиши, шу сабабли «Ўзгидромет» тоғли ҳудудларда истиқомат қилувчи фуқаролар, дам олувчилар ҳамда тоғли ҳудудларда ҳаракатланувчи ҳайдовчилардан эҳтиёткорлик чораларини кўришга чақиргани хабар қилинган.