Шавкат Мирзиёев 4 март куни «Покистон монументи» миллий ёдгорлик мажмуасида бўлди, деб хабар бермоқда президент матбуот хизмати.
Маълум қилинишича, Покистоннинг Исломобод шаҳридаги бобурийлар меъморчилиги анъаналари асосида барпо этилган ушбу мажмуа қарийб 3 гектар майдонни эгаллаган, уч йил давомида қурилиб, 2007 йилда очилган. Ёдгорликнинг шакли гул баргларига ўхшайди. Тўртта йирик барг Покистоннинг тўрт провинциясини ифодалайди.
Давлат раҳбарига мажмуадаги суратлар тарихи ҳақида сўзлаб берилди.
Эслатиб ўтамиз, президент 3 мартдан буён давлат ташрифи билан Покистонда бўлиб турибди. Шу куни Шавкат Мирзиёев Покистон бош вазири Имрон Хон билан тор доирада музокара ўтказди, сўнг икки мамлакат делегациялари ўртасида йиғилиш бўлиб ўтди. Музокаралар якунида икки томонлама ҳужжатларни имзолаш маросими бўлди.
4 март куни Шавкат Мирзиёев Исломободда Покистоннинг етакчи компаниялари раҳбарлари билан учрашди. Учрашувда ҳамкорликнинг янги йўналишлари, турли соҳаларда мавжуд имкониятлар юзасидан фикр алмашилган. Истиқболли лойиҳалар муҳокама қилинган.
Изоҳ (0)