Shavkat Mirziyoyev 4-mart kuni “Pokiston monumenti” milliy yodgorlik majmuasida bo‘ldi, deb xabar bermoqda prezident matbuot xizmati.
Ma’lum qilinishicha, Pokistonning Islomobod shahridagi boburiylar me’morchiligi an’analari asosida barpo etilgan ushbu majmua qariyb 3 gektar maydonni egallagan, uch yil davomida qurilib, 2007-yilda ochilgan. Yodgorlikning shakli gul barglariga o‘xshaydi. To‘rtta yirik barg Pokistonning to‘rt provinsiyasini ifodalaydi.
Davlat rahbariga majmuadagi suratlar tarixi haqida so‘zlab berildi.
Eslatib o‘tamiz, prezident 3-martdan buyon davlat tashrifi bilan Pokistonda bo‘lib turibdi. Shu kuni Shavkat Mirziyoyev Pokiston bosh vaziri Imron Xon bilan tor doirada muzokara o‘tkazdi, so‘ng ikki mamlakat delegatsiyalari o‘rtasida yig‘ilish bo‘lib o‘tdi. Muzokaralar yakunida ikki tomonlama hujjatlarni imzolash marosimi bo‘ldi.
4-mart kuni Shavkat Mirziyoyev Islomobodda Pokistonning yetakchi kompaniyalari rahbarlari bilan uchrashdi. Uchrashuvda hamkorlikning yangi yo‘nalishlari, turli sohalarda mavjud imkoniyatlar yuzasidan fikr almashilgan. Istiqbolli loyihalar muhokama qilingan.
Izoh (0)