Ўзбекистонда 1 мартдан бошлаб LADA автомобиллари нархи 3 фоиздан 10 фоизга ошди

1 март куни «АвтоВАЗ» Россияда ҳам, Ўзбекистонда ҳам LADA автомобиллари нархини оширди. Бу компаниянинг янгиланган прайс листидан маълум бўлди.

Россияда нархлар ўртача 15 фоизга ошган бўлса, Ўзбекистонда модель қаторига қараб 3 фоиздан 10 фоизгача:

• Vesta нархи эндиликда 160,9 млн сўмдан бошланади (+3,8 фоиз);
• XRAY — 171,9 млн сўмдан (+3 фоиз);
• Янги Largus — 162,9 млн сўмдан (+5,8 фоиз);
• Niva Legend — 152,9 млн сўмдан (+4,8 фоиз);
• Niva Travel — 204,9 млн сўмдан (+9,6 фоиз).

«АвтоВАЗ» нархларнинг ошиш сабабини ошкор қилмади, аммо бозордагилар бунга нафақат микросхемалар танқислиги, балки рубль қадрсизланиши ҳам сабаб бўлганини айтишмоқда.

Аввалроқ UzAuto Motors автомобилларнинг янгиланган нархларини эълон қилгани ҳақида хабар берилган эди.