Тошкент шаҳар Миробод туманидаги ҳовли кимошди савдосига қўйилди. Лот маълумотлари «E-auksion» порталида эълон қилинган.
Лот аукционга ҳарбий суд ҳукми билан МИБ бўлими томонидан жойлаштирилган. 2016 йилда қурилган ҳовлининг майдони 1 021,34 квадрат метр. Умумий майдон — 0,17 гектар. Ҳовлида газ, электр таъминоти ва канализация мавжуд. Сув таъминоти эса мавжуд эмас. 2006—2015 йилларда қурилган ҳовли 2 қават ва 8 хонадан иборат.
Бундан ташқари 80 квадрат метр майдон кадастр ҳужжатига киритилмасдан қўшиб олинган. Аукционга қўйилган ҳовлининг бошланғич баҳоси — 17,3 млрд сўм. Аризалар 7 март 09:00 га қадар қабул қилинади. Савдолар худди шу куни 10:00 да бошланади.
Аввалроқ Тошкентда МИБ томонидан аукционга қўйилган ҳовли бошланғич баҳосидан икки баробар арзонга сотилгани ҳақида хабар қилинган эди.
Изоҳ (0)