Наманган вилояти Давлатобод туманидаги «Coliseum Plus» МЧЖга қарашли «Рим» ресторани кимошди савдосига қўйилди. Лот маълумотлари «E-auksion» порталида эълон қилинган.
Лот изоҳида ёзилишича, 2018 йилда қурилган 3 қаватли ресторан 40 дан ортиқ хонадан иборат. 0,31 гектар ер майдонида жойлашган рестораннинг умумий майдони 2 200 квадрат метрни ташкил этади.
Ресторан бир вақтнинг ўзида 500 та хўрандани сиғдира олади. Умумий овқатланиш жойида газ, сув, электр таъминоти ва канализация мавжуд. Ресторан барча турдаги товар ва моддий бойликлар билан савдога қўйилмоқда.
Аввалроқ Тошкент вилоятидаги чорвачилик хўжалиги 62 млрд сўмга аукционга қўйилгани ҳақида хабар берилган эди.
Изоҳ (0)