Шавкат Мирзиёев раислигида 4 март куни талабаларнинг ишлаб, даромад топишига бағишланган видеоселектор йиғилиши ўтказилмоқда. Унда давлат раҳбари ректорлар ва масъулларга мурожаат қилди, деб хабар бермоқда президент матбуот котиби.
«Қайси ҳоким ёки ректор бўш иш ўринларини таҳлил қилиб, талабаларни жойлаштириш бўйича ишлаган? Ҳозирча бу саволга ижобий жавоб йўқ. Ҳоким ва ректорлар, бир нарсани билинглар — ишлашга эҳтиёжи бор талабаларга ёрдам бериб, уларнинг бандлигини таъминлаш шарт», — дейди президент йиғилишда.
Бу ишларни тизимли ташкил этиш учун бош вазир бошчилигида республика комиссияси тузилиши белгиланган. Ҳокимлар ҳам ректорлар билан бирга ҳудудларда шундай комиссиялар ташкил этади.
Комиссия:
- вилоят ҳокимлари ва ректорлар билан бирга ҳар бир олийгоҳ кесимида «талабалар баланси»ни аниқлаб олади;
- вакант ўринларини таҳлил қилиб, ҳар бир вилоят бўйича 1, 2 ва 3-курс талабаларининг камида 30-40 фоизини ишга жойлаш чораларини кўради;
- битирувчи курслар талабаларини эса ҳоким, ректор ва корхоналар билан биргаликда келгусидаги иш жойини белгилаб олади ва уларни ҳақ тўланадиган 3-4 ойлик стажировкага юборади.
Изоҳ (0)