Начинкасига товуқ ва қўзиқорин солиб тайёрланадиган қуймоқли қопчалар рецепти

Ўзига хос кўринишга эга қуймоқ қопчалар ҳар қандай дастурхонга кўрк бағишлайди.

Керакли маҳсулотлар:

• тухум – 2 дона;
• сут – 400 мл;
• шакар – 1 чой қошиқ;
• ун – 170 грамм;
• ўсимлик ёғи – 1 ош қошиқ;
• товуқ филеси – 300 грамм;
• қўзиқорин – 300 грамм;
• пиёз – 1 дона;
• қаймоқ – 80 мл;
• кўк пиёз, туз ва зираворлар.

1. Тухум сут, шакар ва туз билан кўпиртирилади.
2. Това қиздирилади ва бироз ёғ қуйилади.
3. Қуймоқлар икки томони қизаргунга қадар пиширилади.
4. Товуқ, пиёз ва қўзиқорин майда тўғралади.
5. Ўртача оловда қизиган ёғда пиёз 3-4 дақиқа давомида қовурилади. Устидан филе солинади. Қўзиқорин қўшилгач, туз ва зираворлар сепилади.
6. Қаймоқ қўшиб, яна бир неча дақиқа пиширилади.
7. Қуймоқнинг марказига тахминан бир ош қошиқдан начинка солинади ва тозаланган кўк пиёз ёрдамида қопча боғланади.