Ичига қийма солиб пишириладиган мазали егулик — чуду рецепти

Чуду — доғистонча юмшоқ нон бўлиб, начинкасига гўшт қўшилади. Ушбу мазали егуликни тайёрлаб кўришни тавсия этамиз.

Керакли маҳсулотлар:

• ун – 400 грамм;
• сув – 250 мл;
• пиёз – 3-4 дона;
• қийма – 500 грамм;
• сариёғ – 50 грамм;
• туз ва зираворлар.

1. Ун элакдан ўтказилади. Бир чой қошиқ туз ва 200 мл сув аралаштирилади. Ун солиб, юмшоқ хамир қорилади.
2. Хамир 20-25 дақиқага қолдирилади.
3. Пиёз майда тўғралади, гўшт, 50 мл сув, туз ва зираворлар билан аралаштирилади.
4. Хамир 12-15 қисмга тенг бўлинади. Ҳар бир 25-35 диаметрли айлана шаклида ёйилади.
5. Хамирнинг ўртасидан ярим қисмига начинка солиниб, тенг ярми устига ёпилади ва чет қисми чимчилаб, пичоқ ёрдамида тўлқинли қилиб кесиб чиқилади.
6. Қолган чудулар ҳам худди шу тарзда тайёрланади.
7. Улар қуруқ қиздирилган товада ҳар томони 2-3 дақиқа давомида пиширилади. Сўнгра устига сариёғ суртилади.