Творог қўшиб тайёрланадиган юмшоққина шарчали ширинликни десерт сифатида чой билан истеъмол қилинг.
Керакли маҳсулотлар:
- ўсимлик ёғи – 400 мл;
- творог – 200 грамм;
- ун – 400 грамм;
- тухум – 1 дона;
- сут – 180 грамм;
- шакар – 2 ош қошиқ;
- хамиртуруш кукуни – 1 чой қошиқ;
- сариёғ – 30 грамм;
- майиз – 70 грамм;
- шакар упаси, туз.
Хамиртуруш ва шакар илиқ сутда эритилиб, яхшилаб аралаштирилади. Сўнгра 15 дақиқага илиқ жойда қолдирилади.
Майизлар аввал қайноқ сувда 30 дақиқага қолдирилади. Ун элакдан ўтказилади.
Творог, бир чимдим туз ва тухум солиб, яхшилаб аралаштирилади. Устидан эритилган сариёғ ва сутли масса қуйилади. Майиз ҳам қўшилиб, юмшоқ хамир қорилади.
Фритюреда ўсимлик ёғи қизидирилади. Хамир бир хил думалоқ шаклга бўлиб олинади.
Шарчалар қизиган ёғга солиниб, қизаргунга қадар қовурилади.
Ширинлик устига шакар упаси сепилади.
Изоҳ (0)