Руккола витаминларга (Э, Б, C, А, К) ва минералларга (синк, магний, селен, натрий, мис, фосфор, марганец ва темир) бой, авитаминоз пайтида айниқса фойдали. 100 грамм руккола таркибида атиги 25 килокалория мавжуд бўлиб, бу салатни ажойиб парҳез маҳсулотига айлантиради.
Руккола ошқозон-ичак тракти касалликлари бўлган одамлар учун ҳам тавсия этилади, чунки у овқат ҳазм қилиш, метаболизмни яхшилашга фойдали таъсир кўрсатади. Шунингдек, у доимо шамоллашдан азият чекадиганларнинг рационига киритилиши керак: руккола барглари вирус ва бактериялар билан курашишга ёрдам беради, иммунитетни оширади. Рукколадан тайёрланадиган қуйидаги салатлар қон босимини, қондаги қанд миқдорини ва сув-туз метаболизмини нормаллаштиришга ёрдам беради.
Руккола япроғи ва илдизи қўшилган салат
Керакли масаллиқлар:
- руккола япроғи ва илдизи — ҳар бири 70 граммдан
- лавлаги, сабзи, қовоқ — ҳар бири 200 граммдан
- ёнғоқ — 50 грамм
- фета пишлоқ — 100 грамм
- песто соуси — 3 ош қошиқ
- зайтун мойи, туз, қалампир
Лавлаги ва қовоқни тўғраб олинг, сабзини доира шаклида кесинг. Сабзавотларни пергамент солинган газ патнисига солиб, зайтун мойи билан қуйинг. Кейин туз ва қалампир сепинг ва 190 даражага олдиндан қиздирилган печда 20-30 дақиқа давомида пиширинг. Салат солинадиган идишга рукколани, устидан пиширилган сабзавотларни (бир оз совитиб), солинг. Кейин песто соуси, тўғралган фета пишлоғи ва майдаланган ёнғоқни ҳам қўшинг.
Руккола ва қисқичбақали салат
Керакли масаллиқлар:
- руккола — 70 г
- қисқичбақалар — 300 г
- черри помидорлари — 70 г
- пармезан — 40 г
- қарағай ёнғоқлари — 30 г
- зайтун мойи, бальзамли сирка
Қисқичбақаларни тозала, ўсимлик ёғида қовуринг. Помидорларни тенг ярмидан бўлинг. Пишлоқни ингичка бўлакланг. Аввал руккола, яримта помидор, кейин қисқичбақа ва пишлоқ бўлакларини қўйинг. Зайтун мойи ва бальзамли сирка қўшинг. Устини қарағай ёнғоқлари билан безанг.
Руккола ва балиқли салат
Керакли масаллиқлар:
- консерваланган тунец — 400 г
- руккола — 80 г
- черри помидорлари — 200 г
- тухум — 4 та товуқ ёки 8 та бедана
- ярим бош пиёз
- бальзамли сирка
- зайтун мойи
Тухумни қайнатиб олинг — товуқ тухумини доира шаклида кесинг, бедананикини ярим бўлакка бўлинг. Помидорларни ҳам. Пиёз ярим ҳалқа шаклида тўғралади. Идишга ҳамма маҳсулотларни, руккола, зайтун мойи ва бальзамли сирка солиб аралаштиринг. Тунецни майдалаб, уни ҳам идишга солинг ва асталик билан катта қошиқда аралаштиринг.
Руккола, помидор ва пишлоқли салат
Керакли масаллиқлар:
- черри помидорлари — 100 г
- моцарелла пишлоғи — 300 г
- руккола — 100 г
- бальзамли сирка
- зайтун мойи
Моцареллани тўғраб, помидорларни ярим бўлакка бўлинг. Идишга руккола, моцарелла ва помидорни солинг. Зайтун мойи ва бальзам қўшиб аралаштиринг.
Изоҳ (0)