Қўзиқорин ва пишлоқ қўшиб, хуштаъм шўрва тайёрлаймиз

Сабзавотлар билан қовурилган қўзиқорин таомга ажойиб ҳид, эритилган пишлоқ эса қаймоқли таъм бағишлайди.

Керакли мҳсулотлар:

• қўзиқорин – 400 грамм;
• картошка 4-5 дона;
• пиёз – 1 дона;
• сабзи – 1 дона;
• ўсимлик ёғи – 2-3 қошиқ;
• бульон – 2 литр;
• пишлоқ – 200 грамм;
• кўкат, туз ва зираворлар.

1. Қўзиқорин ва картошка ўртача катталикда, пиёз эса майда тўғралади. Сабзи қирғичдан ўтказилади.
2. Ўсимлик ёғида аввал қўзиқорин қовурилади. Устидан пиёз ва сабзи қўшилади. Сабзавотлар юмшагунга қадар қовурилади.
3. Алоҳида идишда бульон қайнатиб олинади. Ичига картошка солиб, 7-10 дақиқа қайнатилади. Сўнгра қовурилган қўзиқорин ва зираворлар қўшилади. Бир неча дақиқа қайнатилади.
4. Шўрвага пишлоқ солинади ва эригунча қайнатилади.
5. Дастурхонга тортишдан аввал кўкатлар билан безатилади.