Тошкент шаҳар Яшнобод туманидаги завод кимошди савдосига қўйилди. Лот маълумотлари «E-auksion» порталида эълон қилинган.
Лот изоҳида ёзилишича, 1980 йилда қурилган 3 қаватли бино 15 хонадан иборат. Заводнинг ер майдони 0,42 гектардан иборат. Умумий майдон — 6 705 квадрат метр.
Бинода канализация, газ, электр ва сув таъминоти мавжуд. Завод жиҳозларисиз сотувга қўйилган.
Аукционга қўйилган заводнинг бошланғич баҳоси — 18,3 млрд сўм. Аризалар 25 март 09:00 га қадар қабул қилинади. Савдолар худди шу куни 10:00 да бошланади.
Аввалроқ Наманганда «Рим» ресторани 15 млрд сўмга аукционга қўйилгани ҳақида хабар берилган эди.
Изоҳ (0)